កាន់តែមានកាន់តែសាមញ្ញ! មកស្គាល់មហាសេដ្ឋីបច្ចេកវិទ្យាពាន់លាន ៤ រូប ធ្វើខ្លួនសាមញ្ញបំផុតគ្មានសម្លៀកបំពាក់ប្រេន គ្មាននាឡិកាដាំពេជ្រ និងស្បែកជើងម៉ាកល្បីៗ

មុនស្សយើងភាគច្រើនតែងស្រម៉ៃគិតថា នៅពេលរកលុយបានច្រើន ឬ ឈានដល់កម្រិតជាសេដ្ឋី និងមហាសេដ្ឋីនឹងចាយវាយដោយមានក្ដីសុខពោលគឺ ទិញអ្វីដែលខ្លួនស្រលាញ់គ្រប់បែបយ៉ាង ចាត់ទុកជាកាដូផ្ដល់ជូនខ្លួនឯងចំពោះការខិតខំប្រឹងប្រែង។ ប៉ុន្តែបើនិយាយឲ្យចំទៅ មហាសេដ្ឋីល្បីៗជាច្រើននៅលើពិភពលោកមិនគិតដូច្នេះទេ ដោយពួកគាត់ទាំងនោះមានទ្រព្យសម្បតិ្តរាប់ពាន់លានដុល្លារ តែការធ្វើខ្លួនសាមញ្ញបំផុតគ្មានសម្លៀកបំពាក់ប្រេន គ្មាននាឡិកាដាំពេជ្រ គ្មានស្បែកជើងម៉ាកល្បីៗ មានតែគោលដៅច្បាស់លាស់ គឺ « គោលដៅដើម្បីក្លាយជាអ្នកមាន មិនមែនដើម្បីមើលទៅឃើញដូចអ្នកមាន »។

យ៉ាងណាមិញមកស្គាល់មហាសេដ្ឋីបច្ចេកវិទ្យាពាន់លាន ៤រូបដែលស្លៀកពាក់ និងប្រើប្រាស់សម្ភារៈសាមញ្ញៗជាងមនុស្សធម្មតាទៅទៀត៖

១.លោ​ក Steve Jobs ស្ថាបនិកក្រុមហ៊ុន Apple ចូលចិត្តខោខូវប៊យ (Levi’s) ពណ៌ខៀវតម្លៃ ៥៨ ដុល្លារ និងអាវយឺតខ្មៅ (mock turtleneck) តម្លៃ ២៧.៩៩ ដុល្លារ។ ទោះបីជាមានតម្លៃថោកតែសម្លៀកបំពាក់ទាំងនេះ ធ្វើឲ្យគាត់ងាយស្រួលក្នុងការធ្វើការរាប់ឆ្នាំតាំងពីចាប់ផ្ដើមជោគជ័យមក។

២.លោក Jack Dorsey ស្ថាបនិកក្រុមហ៊ុន Twitter ចូលចិត្តពាក់អាវធំពណប្រផេះ (J. Crew) តម្លៃ ២៧៥ ដុល្លារ ជាមួយក្រវ៉ាត់កពណ៌ខ្មៅ (J. Crew) តម្លៃ ៥៩.៥០ ដុល្លារ។ នេះមិនមែនជាឯកសណ្ឋានផ្លូវការរបស់គាត់ទេ ប៉ុន្តែគាត់តែតែពាក់បែបនេះ ដោយមានពេលខ្លះគាត់ពាក់អាវសាច់ក្រណាត់ជាមួយអាវធំ ឬ អាវយឺតជាមួយអាវធំ។

៣.លោក Bill Gates ស្ថាបនិកក្រមហ៊ុន Microsoft ភាគច្រើនមហាសេដ្ឋីរូបនេះតែងពាក់អាវយឺតសាច់ចាក់ដៃវែងពណ៌ផ្គា ឡាវេនឌ័រ (John Smedley) តម្លៃ ២៣០ ដុល្លារ ជាមួយអាវសាច់ក្រណាត់ពណ៌ស្វាយស្រាល (Brooks Brothers) តម្លៃ ៦៩.៥០ ដុល្លារ។ លោក Gates ចូលចិត្តសម្លៀកវបំពាក់បែបនេះដោយពេលនៅក្មេងគាត់តែងតែតុបតែងវាជាមួយគ្នាដោយពាក់អាវសាច់ក្រណាត់ពីក្នុង ហើយដាក់អាវយឺតពីក្រៅ។

៤.លោក Mark Zuckerberg ស្ថាបនិកក្រុមហ៊ុន Facebook ជាមហសេដ្ឋីវ័យក្មេងតែសាមញ្ញបំផុត ដោយពាក់តែអាវយឺតដៃវែងពណ៌ត្នោត ឬ ប្រផេះ Edun តម្លៃ ២៩៨ ដុល្លារ និងអាវយឺតពណ៌ត្នោត ឬ ពណ៌សូកូឡាពីក្នុង (Cheaptees.com) តម្លៃត្រឹម ៨ ដុល្លារប៉ុណ្ណោះ៕

នាំមកជូនដោយៈ LKO888KH

Elon Musk ហក់ឡើងខ្ពស់ក្នុងមួយពព្រិចភ្នែក ក្លាយជាអ្នកមានបំផុតទី ៥ នៅលើពិភពលោក

 

ការកើនឡើងនៃទ្រព្យសម្បត្តិរបស់មហាសេដ្ឋីសញ្ជាតិកាណាដា Elon Musk បានធ្វើឲ្យគាត់ឡើងដល់កម្រិតកំពូលមួយទៀតនៅក្នុងបញ្ជីឈ្មោះមហាសេដ្ឋី Forbes ដោយគិតត្រឹមរសៀលថ្ងៃច័ន្ទ នៃដើមសប្ដាហ៍នេះ ទ្រព្យសម្បត្តិសុទ្ធរបស់លោកបានកើនដល់ ៧៤ ពាន់លានដុល្លារ មានន័យថា ឥឡូវគាត់ជាអ្នកមានបំផុតលំដាប់ទី៥ នៅលើភពផែនដី។

លោក Musk អាយុ ៤៩ ឆ្នាំ គឺជានាយកប្រតិបត្តិក្រុមហ៊ុន SpaceX និងក្រុមហ៊ុន Tesla ដែលជាក្រុមហ៊ុនរថយន្តអគ្គិសនីដែលតម្លៃភាគហ៊ុនបានឡើងថ្លៃចាប់តាំងពីខែមីនា។ ក្នុងនោះភាគហ៊ុនរបស់ក្រុមហ៊ុន Tesla បានកើនឡើង ៩.៥% ក្នុងការធ្វើពាណិជ្ជកម្មកាលពីថ្ងៃច័ន្ទដល់តម្លៃ ១,៦៤៣ ដុល្លារ ដោយវាបានកើនឡើង ៦០% ក្នុងរយៈពេលតែ ៣ សប្តាហ៍គិតចាប់តាំងពីថ្ងៃទី ២៩ ខែមិថុនា ហើយការកើនឡើងជិត ៣០០% នៅក្នុងឆ្នាំ ២០២០ តែមួយ។

ឥឡូវនេះក្រុមហ៊ុន Tesla មិនត្រឹមតែជាក្រុមហ៊ុនរថយន្តដែលមានតំលៃបំផុតនៅលើពិភពលោកប៉ុណ្ណោះទេ តែជាក្រុមហ៊ុនដែលមានតំលៃទីផ្សារចំនួន ៣០៤.៥ កោដិដុល្លារ ដោយមានតម្លៃច្រើនជាងក្រុមហ៊ុន Ford, Ferrari, General Motors និង BMW ។ គួរឲ្យដឹងផងដែរថា Musk ត្រូវបានជាប់ចំណាត់ថ្នាក់លេខ ៣១ ក្នុងបញ្ជីមហាសេដ្ឋី Forbes កាលពីពាក់កណ្តាលខែមីនា ដែលមានទ្រព្យសម្បត្តិសុទ្ធក្រោម ២៥ ពាន់លានដុល្លារ។

ជាមួយគ្នានេះ Forbes បានប៉ាន់ស្មានថា ទ្រព្យសម្បត្តិរបស់គាត់បានកើនឡើងជិតបីដងចាប់តាំងពីពេលនោះមករហូតដល់ចំនួន ៧៤.២ ពាន់លានដុល្លារ នៅពេលបិទការជួញដូរកាលពីថ្ងៃច័ន្ទនេះ។ Musk បានលេចមុខជាលើកដំបូងនៅក្នុងបញ្ជីឈ្មោះអ្នកមានបំផុតរបស់អាមេរិកចំនួន ៤០០ នាក់របស់ Forbes ក្នុងឆ្នាំ ២០១២ ក្នុងចំណាត់ថ្នាក់ទី ១៩០ ដែលមានទ្រព្យសម្បត្តិ ២,៤ ពាន់លានដុល្លារ។ ហើយនៅថ្ងៃទី ១ ខែមករាឆ្នាំនេះ គាត់គឺជាអ្នកមានជាងគេទី ៣៧ នៅលើផែនដី ប៉ុន្តែទោះយ៉ាងណាការកើនឡើងភ្លាមៗ និងភាពអស្ចារ្យរបស់ក្រុមហ៊ុន Tesla បានជំរុញឱ្យគាត់ឈានដល់កំពូលក្នុងចំណោមមនុស្សដែលមានទ្រព្យសម្បត្តិច្រើនបំផុតរបស់ពិភពលោក៕

នាំមកជូនដោយ៖ LKO888KH

មហាសេដ្ឋីលំដាប់ទី៣ របស់ពិភពលោក Bernard Arnault ធ្លាក់ទាំងចំណាត់ថ្នាក់ និងខាតបង់ដល់ទៅ ៦ ពាន់លានដុល្លារ ដោយសារការរកស៊ីយីហោប្រណិត LVMH អត់ត្រូវប៉ាន់ក្នុងវិបត្តិកូវីដ

 

អ្នកមានបំផុតទី៣ លើលោកបានខាតបង់ចំនួន ៦ ពាន់លានដុល្លារពីទ្រព្យសម្បត្តិរបស់គាត់ក្នុងរយៈពេលតែមួយសប្ដាហ៍ប៉ុណ្ណោះ ដែលធ្វើឲ្យខ្លួនជ្រុះបាត់ចំណាតថ្នាក់ជាអ្នកមានបំផុតលំដាប់ទី៣ ទៅឲ្យមេហ្វេសប៊ុក Mark Zuckerberg កាលពីពេលថ្មីៗនេះ។ បន្ទាប់ពីរបាយការណ៍រកប្រាក់ចំណូលដ៏គួរឲ្យចាប់អារម្មណ៍របស់ក្រុមហ៊ុនប្រណិតយក្ស LVMH ដែលជាផ្នែកមួយនៃទ្រព្យសម្បត្តិរបស់ប្រធាន និងនាយកប្រតិបត្តិក្រុមហ៊ុន គឺលោក Bernard Arnault បានធ្លាក់ចុះដល់ ១០៦.២ ពាន់លាន ធ្លាក់ចុះពី ១១២.១ ពាន់លានដុល្លារកាលពីមួយសប្ដាហ៍មុន។

ភាគហ៊ុនរបស់ LVMH បា​នធ្លាក់ចុះ ៨% ក្នុងមួយសប្តាហ៍មកដល់ថ្ងៃទី៣១ ខែកក្កដា កន្លងមកនេះ បន្ទាប់ពីក្រុមហ៊ុន បានបង្ហាញកាលពីថ្ងៃច័ន្ទថា អាជីវកម្មរបស់ខ្លួនដែលរួមមានក្រុមហ៊ុន Louis Vuitton, Fenty និង Hennessy រកចំណូលបានប្រហែល ២១.៧ ពាន់លានដុល្លារក្នុងការលក់នៅឆមាសទីមួយនៃឆ្នាំ២០២០ ដែលធ្លាក់ចុះ ២៧% ធៀបនឹងរយៈពេលដូចគ្នាក្នុងឆ្នាំ២០១៩។ ខណៈពេលដែលក្រុមអ្នកវិភាគរំពឹងថាការលក់នឹងធ្លាក់ចុះប្រហែលនោះ ដោយប្រាក់ចំណេញរបស់ LVMH បានធ្លាក់ចុះយ៉ាងគំហុកពី ៨៤% ស្មើនឹង ៦១៥ លានដុល្លារដែលទាបជាងការប៉ាន់ស្មានរបស់អ្នកវិភាគ ហើយភាគហ៊ុនបានធ្លាក់ចុះ ៤% កាលពីថ្ងៃច័ន្ទ សប្ដាហ៍មុនក្រោយការប្រកាសពីការខាតបង់។

គួរឲ្យដឹងផងដែរថា ក្រុមហ៊ុន LVMH បានបង្ហាញភាពរឹងមាំ ជាពិសេសនៅក្នុងវិបត្តិនៃរោគរាតត្បាតធ្ងន់ធ្ងរដែលពិភពលោកបានជួបប្រទះនៅឆមាសទីមួយនៃឆ្នាំ ២០២០​។ ជាមួយគ្នានេះមហាសេដ្ឋីវ័យ ៧១ឆ្នាំ រូបនេះ បាននិយាយនៅក្នុងសេចក្ដីថ្លែងការណ៍មួយ ដែលត្រូវបានចេញផ្សាយរួមជាមួយរបាយការណ៍ប្រាក់ចំណូលថា សម្ព័ន្ធរបស់យើងបានបង្ហាញភាពរហ័សរហួនគួរឲ្យកត់សម្គាល់ ក្នុងការអនុវត្តវិធានការណ៍នានាដើម្បីសម្របខ្លួនទៅនឹងការចំណាយរបស់ពួកគេ និងបង្កើនល្បឿននៃការលក់តាមអ៉ីនធឺណេត។

ទោះបីជាមានការស្ទុះងើបឡើងវិញនៃការលក់នៅក្នុងប្រទេសចិនក្នុងអំឡុងត្រីមាសទី២ ក៏ដោយក៏ក្រុមហ៊ុនប្រណិតមួយនេះ​បានស្តីបន្ទោសនូវការសម្រេចចិត្តចំពោះការបិទទ្វារហាង និងកន្លែងផលិតរបស់ខ្លួននៅកន្លែងផ្សេងទៀតក្នុងពិភពលោក និងការបន្តបិទទ្វារ​ថែមទៀត។ គួរបញ្ជាក់ផងដែរថា មហាសេដ្ឋី Bernard Arnault បានចាប់ផ្ដើម និងបង្កើតទ្រព្យសម្បត្តិដោយប្រើប្រាស់លុយ ១៥ លានដុល្លាររបស់ឪពុកគាត់ ដើម្បីទិញ Christian Dior ក្នុងឆ្នាំ ១៩៨៥។

នាំមកជូនដោយ៖ LKO888KH

ក្រោមចំណងមិត្តភាព ២៩ឆ្នាំ Bill Gates ចែករំលែកមេរៀនដ៏សំខាន់បំផុតដែលគាត់បានរៀនពី Warren Buffett

 

មហាសេដ្ឋី Bill Gates និងមហាសេដ្ឋី Warren Buffett គឺជាមិត្តសំលាញ់នឹងគ្នា ដែលនរណាៗក៏កោតសរសើរចំពោះទំនាក់ទំនងរបស់ពួកគាត់ទាំងពីរ។ កាលពីពេលថ្មីៗនេះ ដើម្បីអបអរសាទរខួបកំណើតគម្រប់អាយុ ៩០ឆ្នាំ របស់លោក Warren លោក Gates បានសរសេរនៅលើប្លុករបស់គាត់ដោយគោរពដល់ចំណងមិត្តភាពរយៈពេល ២៩ឆ្នាំរបស់ពួកគាត់ ហើយ Gates យល់ថានេះគឺ ជាការការណែនាំដ៏សំខាន់បំផុតដែលលោក Buffett បានផ្តល់ឱ្យគាត់។

ស្ថាបនិកក្រុមហ៊ុន Microsoft បានសរសេនៅលើផុសរបស់គាត់ថា៖ « លោក និង Warren បានជួបគ្នាលើកដំបូងក្នុងឆ្នាំ១៩៩១ ហើយមានចំណូលចិត្តដូចគ្នាទៅនឹងមុខវិទ្យាគណិត និងលេខ»។ ចាប់ពីពេលនោះមក ពួកគាត់ទាំងពីរ បានប្រើជីវិតរួមគ្នាដូចទៅនឹងបងប្អូន មិនថា ទៅណាមកណា ណាត់គ្នាញ៉ាំអាហារជារៀងរាល់ថ្ងៃ តែងតែផ្ដល់ដំបូន្មានឲ្យគ្នាទៅវិញទៅមក ជាពិសេសគ្រប់ពេលមានបញ្ហា ឬ ត្រូវការពិភាក្សាអ្វីមួយមិនដែលភ្លេចគ្នានោះទ។

ថ្វីត្បិតតែ Gates ទទួលបានដំបូន្មាន និងបានរៀនមេរៀនដ៏មានតម្លៃជាច្រើនពី Buffett ក៏ដោយ តែអ្វីដែលគាត់គិតថា សំខាន់ និងមានតម្លៃបំផុតនោះគឺ មិត្តភាពដែលគាត់ទទួលបាន។ ជាក់ស្ដែងនៅពេលនិយាយទៅកាន់និស្សិតនៃសាកលវិទ្យាល័យ Columbia ក្នុងឆ្នាំ២០១៧ Gates បានរំលឹកពីអ្វីដែល Buffett និងគាត់បានបង្កើតទំនាក់ទំនងដ៏ស្អិតរមួតនេះ ហើយគាត់បានលើកឡើងដូច្នេះថា៖ « អ្នកនឹងអាចឆ្ពោះទៅកាន់ទិសដៅដែលអ្នកចង់បាន នៅពេលអ្នកមានមនុស្សល្អៗជុំវិញខ្លួន ដូច្នេះវាពិតជារឿងសំខាន់ណាស់ក្នុងការរាប់អានអ្នកដែលប្រសើរជាងខ្លួនអ្នក។ មិត្តភាពដែលអ្នកបង្កើតឡើងនឹងនាំអ្នកឆ្លងកាត់រឿងរ៉ាវជាច្រើននៅក្នុងជីវិត ដូច្នេះរាប់អានមិត្តល្អ ហើយថែរក្សាពួកគេរហូតដល់ចុងបញ្ចប់នៃជីវិតរបស់អ្នក ប៉ុន្តែមិត្តល្អដែលអ្នកមានត្រូវជាមនុស្សដែលអ្នកកោតសរសើរ ក៏ដូចជាមនុស្សដែលអ្នកចូលចិត្ត »។

យ៉ាងណាមិញនៅពេលលោក Buffett បានប្រាប់និស្សិតថា ការជ្រើសរើសមិត្តភក្តិត្រឹមត្រូវ គឺមានសារៈសំខាន់សម្រាប់ជោគជ័យក្នុងអាជីព លោក Gates ក៏បានយល់ព្រមនឹងទស្សនៈនេះ។ ហើយនៅលើប្រកាសរបស់គាត់បានសរសេរថា “ មនុស្សដែលខ្ញុំកោតសរសើរក៏ដូចជាចូលចិត្តដែរនោះ គឺជាការពិពណ៌នាដ៏ល្អឥតខ្ចោះនៃអារម្មណ៍របស់ខ្ញុំចំពោះBuffett ”

នាំមកជូនដោយៈ LKO888KH

មហាសេដ្ឋី Mark Cuban៖ « សាលារៀនមិនគួរបើកឡើងវិញទេ រហូតទាល់តែមានវ៉ាក់សាំងការពារជំងឺ Covid-19 »

 

លោក Mark Cuban គឺជាសហគ្រិនដែលបានបណ្តាក់ទុនក្នុងអាជីវកម្មចម្រុះជាច្រើន ហើយលោកក៏បានវិនិយោគនៅក្នុងផលិតកម្មខ្សែភាពយន្ត និងបានបង្ហាញខ្លួននៅលើកញ្ចក់ទូរទស្សន៍ដ៏ល្បីរបស់អាមេរិក Shark Tank ។

ក្នុងអំឡុងពេលមានជំងឺរាតត្បាត Covid-19 លោក Mark Cuban បានលើកឡើងដូច្នេះថា បើគ្មានវ៉ាក់សាំងទេសាលារៀនប្រឈមមុខនឹងបញ្ហាដូចគ្នា ទៅនឹងអាជីវកម្មដែលនៅតែបើកដំណើរការក្នុងអំឡុងពេលដែលជំងឺរាត្បាត ពោលបើទោះបីពួកគេអនុវត្តវិធានការទប់ស្កាត់ជំងឺឆ្លងនេះ ក៏ពួកគេនៅតែមិនអាចការពារហានិភ័យនៃការឆ្លង ហើយអតិថិជនក៏មិនហ៊ានមកដែរ។

ដូច្នេះមិនថាសាលារៀនដាក់ចេញវិធានការអ្វីក៏ដោយ ពួកគេមិនអាចធានាសុវត្ថិភាពរបស់កុមារ ឬនរណាម្នាក់ដែលកុមារទាំងនោះមានទំនាក់ទំនងជាមួយនោះទេ។ លោកបានបន្ថែមថា សូម្បីតែអាជីវកម្មធំក៏មិនទាន់មានដំណោះស្រាយត្រឹមត្រូវ សម្រាប់អន្តរកម្មដែលគ្មានវ៉ាក់សាំងដែរ។ ទន្ទឹមនឹងនេះ Mark មានដោះស្រាយសម្រាប់ការចាប់ផ្តើមឡើងវិញ បើទោះបីជាមានភាពយឺតយ៉ាវបន្តិចមែន ប៉ុន្តែវាមានប្រសិទ្ធខ្ពស់ ដោយលោកបាននិយាយថា គួរតែបើកដំណើរការសាលាឡើងវិញនៅវិស្សមកាលនារដូវក្ដៅនៅឆ្នាំ ២០២១ ៕

ឧបត្ថម្ភធំដោយ៖ lko888KH

មេហ្វេសប៊ុក Mark Zuckerberng ហក់ឡើងដល់លំដាប់ទី៣ ក្នុងចំណោមអ្នកមានបំផុតនៅលើលោក មានទ្រព្យរហូតដល់ទៅ ១០០​ពាន់​​លាន​ដុល្លារ

 

លោក Mark Zuckerberng ដែលយើងគ្រប់គ្នាស្គាល់ថា ជាស្ថាបនិកក្រុមហ៊ុន Facebook បានហក់ឡើងតំណែងត្រឹមមួយប៉ព្រិចភ្នែក ដោយវ៉ាដាច់ម្ចាស់ប្រេនប្រណិត LVMH មហាសេដ្ឋី Bernard Arnault ក្នុងនាមជាមហាសេដ្ឋីលំដាប់ទី៣ លើលោក ជាមួយទ្រព្យសម្បត្តិដ៏ច្រើនដែលគាត់មិនធ្លាប់មាន។ លោក Mark Zuckerberg ដែលជា មេហ្វេសប៊ុក ​ទ្រព្យ​សម្បត្តិ​ហក់ឡើងដល់លំដាប់ទី៣ មានទ្រព្យខ្ទង់ ១០០​ពាន់​​លាន​ដុល្លារ ជាអ្នក​មាន​ជាង​គេ​លើ​លោក​លំដាប់​លេខ​បី ដែលអ្នកមានទី១ គឺ​លោក Jeff Bezos មានទ្រព្យ ១៩០​ពាន់​លាន​ដុល្លារ និង​ទី២ គឺលោក Bill Gates មានទ្រព្យ ១២០​ពាន់​លាន​ដុល្លារ។

ភាគហ៊ុនរបស់ហ្វេសប៊ុកកំពុងកើនឡើង បន្ទាប់ពីក្រុមហ៊ុនបានដាក់បង្ហាញមុខងារថ្មីរបស់ Instagram ដែលនឹងប្រកួតប្រជែងជាមួយ TikTok នៅអាមេរិក។ ការផ្លាស់ប្ដូរនេះបានជំរុញឲ្យទ្រព្យសម្បត្តិផ្ទាល់ខ្លួនរបស់ស្ថាបនិករូបនេះមានតម្លៃជាង ១០០ លានដុល្លារជាលើកដំបូង។ យ៉ាងណាមិញមុនពេលការប្រកាសពីការកើនឡើងនេះលោក Zuckerberng បានប្រឈមមុខនឹងការរិះគន់យ៉ាងខ្លាំង ហើយជាលទ្ធផលអង្គការសិទិ្ធស៊ីវិលរួមមាន NAACP, Color of Change និង Anti-Defamation League បានស្នើសុំឱ្យអ្នកផ្សព្វផ្សាយបញ្ឈប់ការចំណាយលើការផ្សាយពាណិជ្ជកម្មនានានៅលើហ្វេសប៊ុក។

ហើយជាក់ស្ដែងមនុស្សជាច្រើនបានយល់ព្រម ដែលធ្វើឲ្យទាំងតម្លៃភាគហ៊ុនរបស់ និងតម្លៃសុទ្ធរបស់លោក Zuckerberg ទៅជាការធ្លាក់ចុះ។ គួរបញ្ជាក់ផងដែរថា នៅខែឧសភា ឆ្នាំ២០១២ បន្ទាប់ពីក្រុមហ៊ុន Facebook បានបង្កើតឡើងអស់ពេលប្រាំបីឆ្នាំ Facebook បានបង្ហាញខ្លួននៅលើផ្សារហ៊ុនញូវយ៉ក ហើយនៅពេលនោះវាជាបច្ចេកវិទ្យា IPO ធំបំផុតក្នុងប្រវត្តិសាស្ត្ររបស់អាមេរិក៕

ឧបត្ថម្ភធំដោយ៖ lko888KH

ស្ថាបនិក Alibaba ប្រឈមមុខនឹងការបដិសេធជាច្រើនដងពេលនៅក្មេង ប៉ុន្តែការតស៊ូ និងការយល់ឃើញនូវរឿងមួយចំនួនបានធ្វើឲ្យគាត់មានថ្ងៃនេះ

មហាសេដ្ឋីចិនដែលទទួលបានជោគជ័យ និងជាស្ថាបនិក Alibaba លោក Jack Ma បានក្លាយជាសហគ្រិនចិនដីគោកដំបូងបង្អស់ដែលបង្ហាញខ្លួននៅលើទំព័រទស្សនាវដ្តី Forbes ហើយបច្ចុប្បន្នគាត់ជាមនុស្សម្នាក់ក្នុងចំណោមអ្នកមានបំផុតនៅលើពិភពលោក។ ទោះជាយ៉ាងណាក៏ដោយផ្លូវឆ្ពោះទៅរកភាពជោគជ័យរបស់គាត់នឹងមិនអាចកើតមានទេ បើគ្មានការសាកល្បង និងជំនះរាល់ការបដិសេធ។ ជែកម៉ាបានចែករំលែកការរៀនសូត្ររបស់គាត់តាមរយៈវេទិកា និងព្រឹត្តិការណ៍ផ្សេងៗគ្នាជាច្រើន ហើយទាំងនេះគឺជាដំបូន្មានកំពូលៗ ទាំង ៥ របស់គាត់ដែលយើងទាំងអស់គ្នាគួររៀនសូត្រ៖

១.អ្នកមិនចាំបាច់មានចំណេះដឹង ដើម្បីទទួលបានជោគជ័យទេ៖ មហាសេដ្ឋី Jack Ma ធ្លាប់បាននិយាយថា៖ « ខ្ញុំមិនដឹងអ្វីអំពីបច្ចេកវិទ្យាទេ ហើយខ្ញុំក៏មិនពីការគ្រប់គ្រងដែរ ប៉ុន្តែរឿងដែលខ្ញុំដឹងគឺ អ្នកមិនចាំបាច់ដឹងច្រើន ដើម្បីទទួលបានជោគជ័យនោះទេ ហើយអ្វីដែលអ្នកត្រូវធ្វើគឺ អ្នកត្រូវរកមនុស្សឆ្លាតជាងអ្នក ហើយប្រសិនបើមនុស្សឆ្លាតអាចធ្វើការជាមួយគ្នាវាកាន់តែងាយស្រួលសម្រាប់អ្នក »។

២.ប្រើការបដិសេធជាកំលាំងជំរុញចិត្ត៖ នៅវេទិកាសេដ្ឋកិច្ចពិភពលោកឆ្នាំ២០១៨ នៅទីក្រុងដាវ៉ូស ប្រទេសស្វីស គាត់បាននិយាយដូច្នេះថា៖ «ខ្ញុំជួបការបរាជ័យច្រើន ខ្ញុំបានបរាជ័យសម្រាប់រឿងគួរឱ្យអស់សំណើច។ ខ្ញុំបានបរាជ័យក្នុងការប្រលងបឋមសិក្សាពីរដង ខ្ញុំបានបរាជ័យបីដងនៅអនុវិទ្យាល័យ ហើយបានបរាជ័យក្នុងការប្រលងចូលសាកលវិទ្យាល័យ។ ខ្ញុំបានដាក់ពាក្យចូលរៀននៅសាកលវិទ្យាល័យហាវ៉ាដចំនួនដប់ដង ហើយត្រូវបានបដិសេធចំពោះពាក្យសុំទាំងដប់ដង។ ខ្ញុំត្រូវបានគេបដិសេធការងារ ៣០កន្លែងផ្សេងគ្នា ហើយថែមទាំងបានដាក់ពាក្យសុំការងារនៅ KFC នៅពេលដែលហាងនេះមកប្រទេសចិន ប៉ុន្តែខ្ញុំនៅតែត្រូវបានគេបដិសេធ។ ខ្ញុំគិតថាយើងត្រូវតែប្រើការបដិសេធជាកម្លាំងជំរុញចិត្ត អ្វីដែលសំខាន់បំផុតនោះគឺ កុំបោះបង់ចោល យើងត្រូវតែបន្តទៅមុខ និងបន្តកែលម្អខ្លួនយើង »។

៣.ត្រៀមសម្រាប់អនាគត៖ មុនពេលក្លាយជាស្ថាបនិកក្រុមហ៊ុន Alibaba លោក Ma កើតនៅក្នុងគ្រួសារក្រីក្រមួយ គាត់មិនដែលទទួលបានការអប់រំខ្ពស់ទេ គាត់មិនមានលុយទេ ហើយក៏មិនស្គាល់អ្វីដែលជាបច្ចេកវិទ្យាដែរ។ លើសពីនេះគាត់និយាយថា គាត់មិនមានខ្សែស្រឡាយជាអ្នកមុខមាត់ អ្នកធំ ឬអ្នកមាននោះទេ អ្វីដែលគាត់មានគឺ មធ្យោបាយតែមួយគត់ ការប្រកួតប្រជែងក្នុងរយៈពេល ១០ឆ្នាំក្រោយ ជាមួយអ្វីដែលគាត់ជឿថានឹងកើតឡើងនៅ ១០ ឆ្នាំក្រោយហើយគាត់នឹងត្រៀមវា។

៤.មើលបញ្ហាប្រឈមជាឱកាស៖ មហាសេដ្ឋីរូបនេះបានលើកឡើងថា៖ « ខ្ញុំបានត្អូញត្អែរជាច្រើននៅពេលខ្ញុំនៅក្មេង ពីព្រោះខ្ញុំគិតថាលោក Bill Gates បានឆ្លៀតយកឱកាសទាំងអស់ជាមួយក្រុមហ៊ុន Microsoft ខណៈ Steve ធ្វើការជាមួយ Apple ។ មិនមានឱកាសធំៗ នៅសល់សម្រាប់យើងទេ ប៉ុន្តែខ្ញុំបានដឹងថាឱកាសតែងតែស្ថិតនៅក្នុងបញ្ហាប្រឈម។ ប្រសិនបើអ្នកអាចដោះស្រាយបញ្ហាប្រឈមអ្នកនឹងទទួលបានជោគជ័យ ហើយបញ្ហាប្រឈមកាន់តែធំឱកាសកាន់តែធំដែលអ្នកមាន »។

៥.ចាត់ទុកអតិថិជន និងនិយោជិករបស់អ្នកនាំមុខម្ចាស់ភាគហ៊ុនរបស់អ្នក៖ លោក Jack Ma ជឿជាក់ថា អតិថិជនគឺស្ថិតនៅលំដាប់លេខ ១ និយោជិកលេខ ២ និងម្ចាស់ភាគហ៊ុនលេខ ៣ ។ គាត់បានពន្យល់ថា អតិថិជន គឺជាអ្នកដែលបង់លុយឱ្យយើង និងនិយោជិកដែលជំរុញការច្នៃប្រឌិត ដោយឡែកសម្រាប់ម្ចាស់ភាគហ៊ុននៅពេលមានវិបត្តិកើតឡើង (ម្ចាស់ភាគហ៊ុន) គឺជាអ្នករត់មុនគេ ខណៈបុគ្គលិក និងអតិថិជនរបស់នៅតែមានវត្តមានដដែល៕

ឧបត្ថម្ភធមដោយ៖ lko888 KH

Elon Musk វ៉ាដាច់ Mark Zuckerberg ក្លាយជាអ្នកមានបំផុតលំដាប់ទី៣ លើពិភពលោក

 

កាលពីពេលថ្មីៗនេះ Elon Musk បានក្លាយជាអ្នកមានបំផុតទី៣ នៅលើពិភពលោក ដោយទ្រព្យសម្បត្តិសុទ្ធរបស់គាត់បានហក់ឡើងដល់ ១១៥.៤ ពាន់លានដុល្លារ នេះបើយោងតាមសន្ទស្សន៍មហាសេដ្ឋី Bloomberg ។

នាយកប្រតិបត្តិក្រុមហ៊ុន Tesla និង SpaceX កាលពីថ្ងៃទី ៣១ ខែសីហា ត្រូវបានសន្ទស្សន៍មហាសេដ្ឋី Bloomberg រកឃើញថា ទ្រព្យសម្បត្តិសុទ្ធរបស់គាត់ឈានដល់ ១១៥.៤ ពាន់លានដុល្លារ។ បច្ចុប្បន្នគាត់មានទ្រព្យច្រើនជាងនាយកប្រតិបត្តិក្រុមហ៊ុន Facebook លោក Mark Zuckerberg ដែលមានទ្រព្យ ១១០.៨ ពាន់លានដុល្លារ និងស្ថិតនៅពីក្រោយសហស្ថាបនិកក្រុមហ៊ុន Microsoft លោក Bill Gates នៅលេខ២ និងនាយកប្រតិបត្តិក្រុមហ៊ុន Amazon លោក Jeff Bezos នៅលេខ១ ដែលមានទ្រព្យសម្បត្តិលើស ២០០ ពាន់លានដុល្លារ។

ទ្រព្យសម្បត្តិរបស់លោក Musk បានកើនឡើងយ៉ាងខ្លាំង ខណៈពេលដែលមានការរីករាលដាលនៃជំងឺ Covid-19 ។ យោងតាមទីភ្នាក់ងារព័ត៌មាន Bloomberg ទ្រព្យសម្បត្តិរបស់ Musk បានកើនឡើង ៨៧.៨ ពាន់លានដុល្លារនៅឆ្នាំនេះ។ កាលពីថ្ងៃច័ន្ទ ទី ៣១ ខែសីហា ភាគហ៊ុនរបស់ក្រុមហ៊ុន Tesla កើនឡើង ១២% ដែលជាហេតុធ្វើអោយលោក Musk ហក់ឡើងក្នុងសន្ទស្សន៍មហាសេដ្ឋី។

ទោះបីជាយ៉ាងនេះក្ដី​ លោក Musk ហាក់ដូចជាមិនចំណាយប្រាក់ច្រើនដូចនាយកប្រតិបត្តិមហាសេដ្ឋីដទៃទៀតទេ ដោយសារតែ Musk បានចុះហត្ថលេខាលើ Giving Pledge ដោយប្តេជ្ញាបរិច្ចាគទ្រព្យសម្បត្តិភាគច្រើនរបស់គាត់ក្នុងមួយជីវិត៕

ឧបត្ថម្ភធំដោយ៖ lko888 KH

មុនពេល Jack Ma ចូលនិវត្តន៍ ប្រធានាធិបតីរុស្ស៊ីលោក Vladimir Putin បានសួរថា « អ្នកនៅក្មេងនៅឡើយហេតុអ្វីបានជាអ្នកចូលនិវត្តន៍?» ស្រាប់តែ Ma ឆ្លើយបែបនេះថា…

 

ស្ថាបនិកក្រុមហ៊ុន Alibaba លោក Jack Ma បានចូលនិវត្តន៍នៅថ្ងៃទី១០ ខែកញ្ញា ឆ្នាំ២០១៩ ដោយវិលត្រលប់ទៅរកអាជីពជាគ្រូបង្រៀនវិញ។ នៅពេលដែលមហាសេដ្ឋីរូបនេះ បានប្រកាសថាលោកគ្រោងចូលនិវត្តន៍នៅអាយុ ៥៤ឆ្នាំ ពោលគឺមុនអាយុ​ដែលត្រូវចូលនិវត្តន៍មួយឆ្នាំ បានបន្សល់ទុកនូវចង្ងល់យ៉ាងច្រើនពីបុគ្គលល្បីៗ សូម្បីតែប្រធានាធិបតីរុស្ស៊ី លោក Vladimir Putin។

នៅ​ឯវេទិកាសេដ្ឋកិច្ចបូពា៌ដែលបានប្រារព្ធឡើងនៅទីក្រុង Valdivostok ប្រទេសរុស្ស៊ីលោក Putin បានធ្វើកិច្ចពិភាក្សាតុមូលស្តី ពីភាពជាសហគ្រិន ហើយនៅពេលដែលលោកបានឃើញលោក Jack Ma គាត់ចង់សួរថា ហេតុអ្វីបាន ជាមហាសេដ្ឋីរូបនេះសម្រេចចិត្តចូលនិវត្តន៍លឿនបែបនេះ។ នៅក្នុងអំឡុងកិច្ចពិភាក្សាតុមូលនោះ ប្រធានាធិបតីរុស្ស៊ីសួរទៅកាន់លោក Jack Ma ថា៖ « អ្នកនៅក្មេងនៅឡើយហេតុអ្វីបានជាអ្នកចូលនិវត្តន៍?»

ស្ថាបនិកក្រុមហ៊ុន Alibaba បានភ្ញាក់ផ្អើលនឹងសំនួររបស់លោក Putin ហើយបានឆ្លើយតបថា៖ « ខ្ញុំមិនមែននៅក្មេងទៀតទេ ខ្ញុំបានចំណាយពេលខួបលើកទី៥៤ ឆ្នាំនៅប្រទេសរុស្ស៊ីកាលពីម្សិលមិញ។ ខ្ញុំបានដំណើរការក្រុមហ៊ុន Alibaba បានយ៉ាងជោគជ័យអស់រយៈពេល ១៩ឆ្នាំហើយ ប៉ុន្តែនៅតែមានអ្វីជាច្រើនដែលខ្ញុំសង្ឃឹមថាអាចសំរេចបានដូចជាការអប់រំ និងសកម្មភាពសប្បុរសធម៌ »។ លោក Putin បានសើចហើយនិយាយថា៖ « ប៉ុន្តែអ្នកនៅក្មេង ហើយអ្នកមានអាយុតិចជាងខ្ញុំ ខ្ញុំមានអាយុ ៦៦ឆ្នាំហើយ! »។

ការលាចេញពីតំណែងជានាយកប្រតិបត្តិរបស់លោក​ Jack Ma នៅក្នុងវ័យជាង ៥០ឆ្នាំ គឺជាករណីដ៏កម្រមួយនៅក្នុងពិភពជំនួញចិន ដែលអ្នកជំនួញធំៗភាគច្រើននៅតែគ្រប់គ្រងជំនួញរបស់ពួកគេក្នុងវ័យចំណាស់។ ជាក់ស្ដែងនៅហុងកុង កំពូលអ្នកជំនួញអចលនទ្រព្យ លី កាស៊ីង បានចូលនិវត្តន៍ជាប្រធានក្រុមហ៊ុន CK Hutchison Holdings និង CK Asset Holdings នៅអាយុ ៩០ឆ្នាំ៕

ឧបត្ថម្ភធំដោយ៖ joker123 cambodia